Gabay sa Editor

  1. Responsable ang editor sa paunang pagsusuri at ebalwasyon ng lahat ng manuskritong isinusumite sa journal.
  2. Ang pagpapasya hinggil sa pagtanggap, pagrerebisa, o pagtanggi sa manuskrito ay nakabatay sa iskolarling halaga, metodolohiya, ambag sa larangan, at pagiging angkop nito sa layunin at saklaw ng journal.
  3. Tinitiyak ng editor na ang bawat manuskrito ay sumusunod sa mga pamantayang etikal sa pananaliksik at akademikong pagsulat.
  4. Isinasagawa ang pagsusuri sa mga manuskrito nang obhetibo, patas, at walang kinikilingan anuman ang institusyon, kasarian, paniniwala, o personal na ugnayan ng may-akda.
  5. Pinananatili ng editor ang pagiging kumpidensiyal ng buong prosesong editoryal, kabilang ang pagkakakilanlan ng mga awtor at tagasuri, gayundin ang nilalaman ng mga isinumiteng manuskrito.
  6. Iniiwasan ng editor ang anumang sitwasyon ng pagsasalungatan ng interes (conflict of interest) kaugnay ng sinusuring manuskrito.
  7. Pinangangalagaan ng editor ang mataas na pamantayan sa kalidad ng mga nailalathalang manuskrito sa pamamagitan ng masusing proseso ng pagsusuri at rebisyon.
  8. Masusing sinusuri ng editor ang bawat manuskrito upang matukoy ang anumang anyo ng plagyarismo, manipulasyon o pagbabago sa datos, dobleng publikasyon, at iba pang paglabag sa etikal na paglalathala.
  9. Tinitiyak ng editor na ang lahat ng tinatanggap na artikulo ay naaayon sa saklaw, pokus, at pamantayan ng journal.
  10. Tinitiyak din ng editor na ang mga artikulo ay sumusunod sa karaniwang pormat na IMRAD (Introduksyonn, Metodolohiya, Resulta, at Diskusyon), maliban sa mga akdang may natatanging katangian o alternatibong estruktura na kinikilala at tinatanggap ng journal.